Thursday, September 13, 2007

I`m shocked

طبعا بعد كل هالغيبة اللي ماكنت اقدراكتب او حتى اعبر عن اللي بداخلي بمجرد التفكير
بنفسي لي مته انا جذي الطيبة الزايدة او هبل الحب ولا التخدي اللي يصير بعد ما تعز انسان
ولا شنو بالضبط
اول شي بقول اللي كان بقلبي واسمحولي اذا كان من غير ترتيب
بعد يومين من السفرة انا حدي منعفسة وما ادري عن ارضه من سماه ليش هالمحاتات ما ادري
اخاف اهوه يدري عني اتوقع اللي قاعد يفكر فيه بس اشلون يوصل حق الديره اللي بروح لها
وشنو بزور وشنو بسوي وانا حدي احاتي اللي ما يدري عن هوا داري
دز مسج طبعا بلغة الدولة اللي اهوه بروح لها وانا افهم بعض المصطلحات منها
انه اهوه بخير وهذا رقم تلفونه ومشتاق لي
طبعا جنه صابين علي ماي بارد
ما ادري شنو اسوي ازف لالا حرام مسافر اجامل لا انا بموت قهر ابين باسلوب ثاني
المسج اللي اندز
الحمدالله على السلامة ودير بالك على روحك
جني دازه المسج حق طوفة محد يرد
بعد 6ساعات ولهت على صوته ادق ؟؟
من غير تفكير دورت المسج واتصلت على الرقم
هاي دراوي ديالي اشلونك شخبارك
الرد
والله عال العال قاعد افكر احول دوامي بهالديرة واستلم معاشي وانا اهني
انا
اي زين اللي قتلي عشان اعرف
الرد
ضحكه ما ادري من وين طالعه زين ما شرق فيها
انا
هي هي هي على قولتهم ضحكة صفره
الرد
خلاص عيل عمري حبيت اسمع صوتج
انا
@@ حد التتنيييييييييييح امبي هذا من صجه انا اللي داقة اي شي امبي صج جذب كل هذا بقلبي اللي قلته اوكي يالله باي
الرد
صوت القطار
طبعا انا سكرت التلفون وقعدت بس افكر بهالآدمي اللي ما ادري شنو فيه
طبعا حدي مكئبة بس من داخل اقول عادي يمكن انا لما اسافر اسوي جذي بروحي اهون على روحي
اليوم الثاني
طول اليوم ما دقيت ولا دزيت مسج اخر الليل دقيت وانا وايد مترددة اني ما ادق بس حشاكم الحميرة مرات تعمل عمايلها
انا
الو هاي دراوي شخبارك شمسوي
الرد
الحمدلله والله قاعدين مع الربع نتعشا
انا
اشدعوة اليوم كله ما دقيت ولا حته مسج
الرد الحقـــــــــــيـــــــــر
انا امس مكلمج
انا
ولا كلمة بعد تتنيح قصير اوكي عيل انا اقول اخليك تتعشى وايد احسن
الرد الغبي
اوكي يالله باي
اليوم الثالث
حلفت اني ماراح ادق ولا ادز مسج الا لما يحس على دمه ويعرف انه في وحده تحس تنطره يتحرك
عمرها السفره ما تنسي العزيزين على القلب بس الظاهر انا طلعت
.........................
بعد خمس ايام اكتشف ولا صحى من اللي اهوه فيه ولا ما ادري اشقصته
دز مسج
بطتي انا ولهان عليج وايد وايد
انا
بكل ثقة اكتفيت اني ادز كلمة وحدة وهي
جب
اشلون سويت جذي ما ادري واتذكر دزيت المسج وانا رايحة مجمع الفنار مع اخوي الوحيد
طبعا ما رد علي بعد ما تمشينا وتسوقنا ما ابي اقولكم شنو ارتحت لما دزيت هالكلمة
صغيرة بس تريح من قلب تسوقت بشراهه تذكرت
78o8eya
يومها وقمت اسولف على اخوي المواقف الي كانت تصير
بعد 4 ساعات من الحقران جان افكر انه الكلمة يمكن كبيرة او يمكن انا احبه وايد لي درجة ما تتقارن مه حبه لي
ما ادري دزيت هالمسج
هاي سوري على الكلمة بس وايد ضيقت خلقي ذاك اليوم لما قلت لي انك مكلمني اليوم اللي قبله معناته انك ما تبيني اسال عنك
وانا ما حبيت اضايقك
الرد (اكتشفت انه بغبغاء وما يفهم قصدي من المسجات ومثل الثور يرد وبس )
جب
انا
حقرت ولا رديت
وتمينا على هالحقران اسبوع والله ولا حس على دمه وانا طلعت روحي اشوية
وصلني مسج بكل وقاحة
هاي عمري شوفيلي رجعه مبجر برد عشان رمضان
انا
اوكي
مثل الهبلة طبعا فلان وعلان ابي رده ضروري باي طريقة المهم طاح ويهي ما حصلت
رديت بمسج بعد يومين
انا
سوري ما حصلت رجعه وايد صعبه
الرد
بصراحة المبلغ اللي معاي مو مكفيني
انا
تبي احول لك مبلغ رمزي ما بقالك شي وترجع 4 ايام
الرد
لالا مشكورة
بصراحة انا وقتها تذكرت نفسي لما كنت مسافرة ونقصتني فلوس وحدي كنت متوهقة فاطريت اني احن وازن لما عطاني رقم حسابه حولت ذاك المبلغ
انا
دراوي جيك على حسابك باني حولت
الرد
مشكورة بس انا ما كنت ابي منج بس عشان لا تزعلين وتقولين انا بينا فرق
(بصراحة انا اصريت لانه التفلس بره كلش ما ينفع )
بعد هالمسج ما سمعت حسه ولا شفت منه اي اتصال
قبل رجعته بيوم دز مسج
انتي ليش مطنشتني
الثاني
طبوجتي ترا اجلو الرده راح ارجع تاريخ 18 بدال 13
كان ما عندي رصيد ونص الليل ياني المسج اتصلت على المنقذه قامت بالمهمة دزت مسج
بالنص التالي
انا فلانة رفيجة طبوجتك اهييه تقول ما تقدر ترد لانه ما عندها رصيد
ما رد ولا شي
اليوم الثاني مثل الهبلة صدقت ودقيت على المطار وسالت
اثاري غشمرة ثقيلة ثقل الرصاص
على القلب طبعا حطيت رصيد بتلفوني
ودزيت مسج كالآتي
فلان بالاسم اشرايك تجرب العيد هناك مو احسن بعد ؟
ما رد علي طول اليوم المزاج زفت الوالد طق الباب الساعه 12 بليل ها ابلة ناني
ما تبين تتسحرين باجر رمضان ولا سلمتي علينا ولا باركتي
حدي انحرجت وقمت بست راسه وسلمت على الوالدة ورديت الدار
دخلت النت اقرا اخر بوست من جم بلوقرز على ما يطوف الوقت
الساعة 3 الصبح الي اهوه توا من قبل ساعة وخمسين دقيقة دقيت على جهازه ولا يرن رنة محلية
طلعت عيني بس بنفس الوقت حزت بخاطري نزل من الطيارة وما اتصل علي
انا
هاي اشلونك شخبارك وينك
الرد بكل تفاهه وبجاحه
انا ويني بعد بالديره الي راح لها
انا
امممممممم
الرد
ضحكة من غير نفس ما اعرف اجذب ها و رد عاد الضحكة
انا
ولا كلمة ساكته جني قاعدة اقوله انته حمار
الرد
انا ارد البيت وادق عليج
انا
قمت انقلبت على يميني افكر امبي ليش جذي صار شنو فيه المفروض يوله علي بس بالطقاق
خلني اقوم اهم شي انه رجع الكويت هذا اهم شي
اقوم اشوق البلوق شنو صار عليه اكتشفت انه واهوه مسافر كنت طرمة بس صور
بس صج كنت ما اقدر اكتب شنو اللي كان داخلي بس الحين لما رجع كتبت كل اللي صار
سفره اهوه استانس منها وايد بس انا تاذيت منها وايد
بس عرفت قدري ومكانتي عنده طلع كله حجي
وانا الحين حاقرته وقاعده اكتب لكم شنو صار واهوه قاعد يدق بحقره ليمة باجر يصير خير باجر
لما اقعد من النوم

Wednesday, September 12, 2007

Tuesday, September 11, 2007

Saturday, August 18, 2007

I`m gonna miss you

قربت سفرة دراوي ديالي (لقب) وضايق خلقي حدي بس
هم ما اقدر اتحكم زيادة عن اللزوم لانه اهو ما يدري عن شي لانه بعد تجربة خطره الواحد يخاف
يتكلم ومخليه كل شي على البركة ونشوف شنو يصير بالآخر
Heart Shell
يوم الخميس
ناني: هاي دراوي ديالي اشلونك عسى متزهب حق السفرة ؟
دراوي ديالي: اي مو كل شي بس قاعد افكر بوحده راح اوله على خدودها واايد وتعودت عليها
ناني: Way Too Happyبصمت
دراوي ديالي: يستحووووون هاااا
ناني: لا اصلا ما سمعت شنو قلت (والكلام بين ضلوعي) بس راح نوله على
بعض اكيد لانا تعودنا على بعض اكيد جم شهر
كملنا 3 اشهر
دراوي ديالي: والله تصدقين قاعد افكر اشلون راح اكون هناك وبكلمج اييييييي تعالي
مو اروح وتشتغل الفرارة والطلعات اللي مالها داعي
راح ادق عليج باليوم 3 مرات لا تخافين ولا تحاتين اوكي عمري
ناني: دراوي ديالي اكيد بحاتي شي طبيعي بس انته دير بالك على روحك وهالله هالله بالعقل
دراوي ديالي: نانيو يا شقول شنو انا ياهل ولا اول مره اسافر شنو هالله هالله بالعقل لا تخليني ايي اذبحج
ناني: هه هه هه يحلاتهم اللي يطفرون بسرعة قاعده اطفرك والله مو قصدي شي
دراوي ديالي: انزين ما قلتيلي شنو تبين من هناك ؟
ناني: عمري كل شي عندنا شنو ابي يعني ابي سلامتك مابي شي
دراوي ديالي: لا مايصير
ناني: انته اللي قولي ما تبي شي قبل لا تسافر مو ناقصك شي
(ومن داخل قلبي يفرررررررررفررررررر)
دراوي ديالي: ابي اشوفج يوم الثلاثة عشان ما بقى شي على السفره
ناني: (بقلبي ياربي ليش ما يقولون الثلاثا رمضان عشان يهون على السفره ويقعد بالكويت)
دراوي ديالي: ام خدود اشفيج ساكته ؟
ناني: لا بس سرحت بجمالك (عبارة دايما نقولها اذا تنحنا انا او اهوه)
دراوي ديالي: اي صج تعالي يهون عليج اسافر وانا ليمة الحين ما شفت الblog مالج
ناني: اشتبي فيه احب اكتب فيه اشياء تخصني وما احب اي احد من
اهلي يقراه او يدري عنه حته انته ما ابي تقراه
دراوي ديالي: شنو كاتبه فيه اللي ما تبيني اقراه عني صح ؟
ناني: حدها متوهقة دراوي عمري قلت لك بطل شي بلاب توبك و ورني شي ؟
دراوي ديالي: كيفج انا عارف انتي شنو بس ابي اعرف شنو كاتبه
ناني: شي خاص فيني
دراوي ديالي: عمري ديري بالج على روحج تسمعين ولا تيي ابالج هالافكار
انتي عارفة شنو اقصد لاني مو ياهل تسمعين ؟
ناني: خانقتها العبره بس قامتتها انشالله وانته بعد لا تفكر اني بتغير
لما تروح اصلا بدش نادي عشان يروح الفراغ استانست؟
دراوي ديالي: انشالله يتحقق الحلم العربي (قصده اضعف) هههه هههه ههه
ناني: انزين انا الحين اخليك يالرشيق تكمل باجي شغلك قمت تخورا وتنجبه
دراوي ديالي: اشدعوه ام خدود اتغشمر
وخلصت المكالمة بعدين قمت اهيئ نفسي على انه راح يسافر
ترا والله مو قاعده ابالغ بس صج تعودنا على بعض
انشالله يروح ويرجع بالسلامة

Sunday, August 12, 2007

6al3a bel 8er3a

بالضبط نفس العنوان طلعة بالقرعة
بس قبل كلشي تشوفون اشلون البنات اللي بالصورة مستانسين يذكروني بطلعتنا
انا وامتي(علوقة) ومشمشو(لقب) م
طبعا الطلعة اللي نطلعها احنا الثلاثة لها طعم ثاني بالعربي نطلع حرتنا
بكل شي
اول شي رحنا مشوار صغير وبعدين رحنا احد هالمجمعات دخلنا
CS
يعني كلش بنحافظ على ريجيمنا المهم انا ومشمشو
طلبنا خبزة سمرة وامتي بققت العيون وقعدت
امتي: يعني انتو الحين كلش ماشين على الريجيم
انا: مشمشو اشرايج نجرب هذا بعد شكله حلو
مشمشو: اي اوكي
وما اتذكر منو قالت خلونا نجرب البيتزا بعد
المهم
سوالف وضحك على مايابو الاكل اكلنا وخلصنا
"تخمنا"
ولا ويتر توه مطلع البيتزا قاعد يقطعها ويزهلقا على البراد
امتي: امبي احنا بعد طلبنا بيتزا
Duh انا ومشمشو
وين بنحطها
وبعدها كالعاده تسوقنا وانا يتني الحالة من مشمشووامتي
عشان ما يمشون بس يجابلون كورنر كورنرويقرون عليه المعوذات
بعدين يمشون ولا بعض المرات يروحون الكورنر الواحد كذا مره
طبعا انا اهني
Pulling My Hair Out
دورتهم ولا صوب غرفة القياس ولا وحده لابسه و ويها قالبته و الثانية
خذيها حلوة ولا هذيج ولا هاذي
انا: انتو وينكم اي ما تمشون اشلون تتحركون لازم تاخذون المحل كله ولا ما يصير
خلصوني واللي تدخل
OYSHO
ما احاجيها المهم
شلشلتهم راحو صوب الكاشير
واحنا طالعين
ولا بويهنا هالمحل واثنينهم ندش ولا لا
طبعا اهمه يسالون وريولهم واصلة عند الباب
بالاخير ركبنا السيارة
وسوالفنا وضحكنا بس امتي كلمت ريلها ولا يبي شي معين على الغدا
اهيه الحين تبي تتصل على المطعم وتطلب يعني كلش الحين اهييه اللي حالا بالا
امتي : الو السلام عليكم ابي دياية في الشواية
انا: الدياية اكيد بالشواية عيل وين وانا حدي فاطسة من الضحك
امتي : من الضحك علقت لوسمحت ههههههه لوسمحت ههههههههههه لو سمحت لحظه اشوي
كاااااااااااااااااك ككككككككككك كاااااااااااااااااااك
حسبي الله عليج يا شقول
مشمشو: غشيانة على السكان من الضحك
المهم طلبت اخيرا وسكرته
وقمنا بس نضحك على سوالفنا
وطبعا هاذي الطلعة انا اسميها
طلعه بالقرعه واهيه صج
BRAIN WASHER 2 me
عشان كنت متضايقة بس صج مت من الضحك
يومها وانا مع هالثنتين بروحي اقط بدليات وكلام ما ادري من وين
;p

Friday, August 10, 2007

2004 smashed my heart

شوارب : ها اشلونج ابلة ناني اليوم اول يوم مدرسة شاده حيلج مو نفس السنة اللي طافت تبلشينا
شباصات : تبتسم لا انشالله هالسنة باعتمد على روحي والعيون محمصة وفيها النوم والشعر مسمت بالعجفة من الصبح
شوارب : اشفيج هذا اول يوم لازم تصحصحين وتصيرين نشيطة عاد انتي تذكريني بايام الدراسة اول الايام كله مخثل بعدين اشد حيلي ولا منتي نفس شوارب
شباصات : "روووح بتشقق الحلج عاد اهي ما تقصر وكل مازادت بلاويها شقت حلجها بالكشره " بس هالحجي ياثر اذا من شوارب وعلى الصبح وانا نازلة من السيارة كلامه المعتاد الله يوفقج ويبعد عنج عيال الحرام
بعد ما تخرجت من الثانوية العامة علمي "بين قوسين علامة خطر" يعني هلاك
شباصات : ها شوارب ادق على اي سفارة عشان اقدم على الجامعة "احنا متفقين انا اتخرج وادرس طب اسنان بالبحرين " وكنا متفقين على كل شي حته السكن والجامعة
شوارب : لا حبيبتي انا ما عندي بنات يسافرون ويدرسون بروحهم لازم محرم ما عندنا عادات الغرب شنو احنا مو مسلمين
شباصات : انخرست ونملت الريول وطبعا البنات خبرة بخظة البطن الي تيي لما ننصدم واذوني سكرت ويهي خو بروحه قصه ثانية العيون انقلبوا فناييل والحلج وصل لي للركب
المهم .......
زوجة شوارب : لا يا شوارب الله يهداك مو جذي تقفلها بويها انته واعدها وقايلها وشباصات متزهبه وحالتها حاله انزين اي جامعه حته لو انتساب
شوارب : نظره ما يعلم فيها الا ربنا جان يقول انتوا تفهمون شنو ماكو سفر شباصات بروحها بره ولا لا انتو تفهمون عربي
طبعا زوجة شوارب ويها يقول لو مو متليقفة مو احسن
شباصات : بلعت ريجها جان تقول بكل هدوء "وطبعا هذا عكس طبعها تماما" يعني راح ادش التكنلوجيا ؟
شوارب : مافيها شي وبعدين كملي هندسة بديرتج ومع اهلج مافيها شي يالله انا بلحق على الصلاة ولا يكون تبطلون موضوع السفر لانه انا الحين انه ضغطي مرتفع والسبه انتو
شباصات : ودها تصرخ من غير ويعة قلب وتبجي بس الله كريم
زوجة شباصات : وبعدين تعالي التكنلوجيا يعني فني لج هالكثر ولج هالكثر وهالسوالف اللي ما تخلص
طبعا شباصات الحين تبي مخها يحول صورة الطبيبة لما فنية هاذي بروحها قصة بروحها المهم قدمت وانقبلت تخصصت مختبرات كيمياء كثر ما تقولون لعبت وسرحت ومرحت وقصيت محاضرات لي قبل لما وقعت انذار معدل اول بعدين ثاني بعدين فصل
شوارب : و لا تبين طب بعد جان فاصلينج من سنة يدي وانتي هناك ما خذتها سياحة
شباصات تبي هدومها اللي عليها لانه شوارب ما قصر فيها هالمرة وبنهاية الزف امانة انا شلت حدث ما قلته لانه يضيق خلقي واحس انه شخصي زيادة عن اللزوم المهم فانا كاسره خاطره من هالحدث وبنفس الوقت ضايق خلقة علي ليش قاعد يصير فيني جذي اي نرد حق سالفتنا بنهاية الزف جان يخر عاد اللي ما قاله خير شر من انولدت ماقاله يوم صار عمري 21 سنة قاله لي اللي اهوه
شوارب : شوفي عاد انا بقولج هالشي اللي ما تدري عنه حته زوجتي ما قلت لها ترى انا طول عمري اقول شباصات طبعها اسلوبها تصرفاتها غير عن الشباصات اللي بالبيت كلهم هاذي راح تطلع شي مو هين بس انتي صدمتيني انج انفصلتي
شباصات : تنخ وترجع لي وره "جود اكسر خاطره ويدق على السفارة البحرينية" عشان الجامعه
شوارب :ابيج من باجر تقدمين على الهيئة وتشوفين الاماكن اللي تقبلج تسمعين
شباصات : من داخل تقول ليش ياربي حياتي واهو يسيرها على كيفه طبعا اكيد قلت انشالله
بعد فتره لقيت اني ما انقبل الا بالمعاهد واثنينه المهارات او السكرتارية بس انقبلت بالمهارات طبعا يوم حطوا بالجرايد اهوه كان بالدوام جان ادق عليه
شباصات : صباح الخير شوارب اشلونك انا انقبلت بمعهد المهارات
شوارب : انا قلت لج لا تحطينه من ضمن رغباتج بس هذا اللي انتي تبينه ولي فات الفوت ما ينفع الصوت طوط ..طوط..طوط..طوط
من غير مع السلامة
زوجة شوارب : كلووولووووووووش الحمدالله العوض ولا القطيعه حمدي ربج وشكريه رفعي معدلج وحولي اي مكان بعدين
شباصات : مستانسة وضايق خلقها بنفس الوقت
سنة 2004 دفنتني يالحياة ورديت طلعت الف الحمدلله والشكر من الاحداث اللي صارت فيها
شباصات باختصار اول كورس ماكو رفيجات عندها سيارة قبل سايق صايرة سيدة ماكو طلعات وروحات اول كورس امتياز الثاني امتياز الثالث امتياز
شوارب : ماشالله صافتهم بالشهادة اي لانج تبين الامتياز يبتيه اذا جذيه كملي لي تخرجتي بس ماكو تخصصج بالجامعات الي اهني جان تروحين البحرين سكن طالبات تكملين السنتين وتيين
شباصات : اي شوارب ليش لا انا بعد بييب امتياز لما اتخرج
شباصات تخرجت امتياز
شوارب : دقي على السفارة شوفي اي جامعة وسالي عن الانتساب والدراسة النوعين شي اهون من شي
شباصات : انشالله على امرك حته عن عروق ...... بسالهم
شباصات : الو السلام عليكم السفارة البحرينية لو سمحت بغيت اسال عن الجامعات وعن الرسوم عشان سكن الطالبات و...
السفارة : آسف اختي بس مافي سكن انلغى السكن لانه صارت فيه شاكل وايد اقدر اسال عن الجامعات بس
شباصات : خنقتها العبرة لا شكرا اخوي
شوارب : بس خلاص الله مو كاتب لج اقتنعي باللي هني وشوفي هالجامعات الخاصة وهالسوالف
عشان افتك من هالدوامة اللي براسي كالعاده كل صيف ادش لوياك ينسيني الهم والبلاوي الزرقة اللي فيني لما خلصت الفتره ضاق خلقي وقاعده اسويلي سيرة ذاتية وهالاشياء جان ايي ذاك اليوم
شوارب : انتي ليش فاقده الامل انشالله الله يقدرني واخليج تكملين بس انتي سالي هالجامعات سالي جامعة الخليج خوش طلبة اللي فيها عيال حمولة ناس اوادم
شباصات : اول شي انزل بوست بعدين ادق على الجامعه
شباصات : الو السلام عليكم بغيت اسال الله يعافيج عن تكملة الدبلوم
جامعة الخليج : هلا حبيبتي خريجة شنو اي معهد
شباصات : معهد السياحة والتجميل والازياء
جامعة الخليج : لالا شنو هالمعهد احنا نقبل من التطبيقي بس التكنلوجيا والتجاري
شباصات : مشكورة بقلبي " عمى بعينج مافي اسلوب احسن من جذيه ويعه تاخذج "
شوارب : مو قلت لج توظفي وبعد سنتين طلبي اجازة دراسية
شباصات : بكل هدوء شوارب انته لما صرت عسكري وترقيت لما صار مسماك عقيد شاورت احد اخذت راي احد؟؟
شوارب : ليش تسالين ؟؟
شباصات : لما رحت دوراتك اللي بامريكا شاورت احد ؟؟
شوارب طقته البوهه جنه قايلين له اصحى يانايم
شباصات : شوارب بعد ئذنك هاذي حياتي ومابي اي شي ياثر علي لانه بعدين راح ايي واقولك منك صار هالشي
شوارب : انا كنت ابي ابين لج الطريج الصح من غير تعب وانتي كيفج وانا بعد مالي شغل فيج سوي اللي تبينه بس مو تييني بعدين تشتكين بقولج انجلعي عن ويهي ولاني رادها
شباصات : نفس عميق زين ما اشفطت البيت والحين قررت تسوي سيرة ذاتية وتقدم على ثلاث اماكن والتكملة انشالله بعد ما اثبت بوظيفة
بنهاية هالبوست انا ما ادري ليش تذكرت هالشي الحين وكتبته يمكن تشوفونه شي خاص اشوي عن حياتي بس لاني دايما اقول اللي خذا الشهادة الجامعية مو احسن مني في بعضهم عندهم عيال وبعضهم ما عندهم خدم انا الحمدالله حالتي زينة ومرات اقول يمكن تدخل شوارب بكل شي اهوه اللي خلاني ما اهتم بولا شي لاني كنت عارفة كل شي راح يصير مثل ما اهو يبي فمافي داعي اني ابني احلام لانها ماراح تصير وانا الحين اعاني من مشكلة صايره بيني وبينه من قبل 4 ايام ودايمن تيي في بالي كلمته انتي غير عنهم كلهم اقول دام انه يدري اني غير ليش يصكك كل شي بويهي بالاخير "جان زين كل شباصة تختار الشوارب اللي تعيش معاها او الشوارب تختار الشباصات اللي تعيش معاها بالبيت "

Thursday, August 09, 2007

my celebrity look-alikes

hi all what do you thing about this pic. it`s me lo0o0o0ol waaaaaaaaaaaw it`s 97% i`m really over the moon thnx yally fe bally 3la el website.and my friend bashbosh said oh my god there is abig resemblance bet. you and her Roll and also dental my new friend said that waaw i think we r same in cheeks, nose, smile and alittle bit of eyes i`m waiting for more comments

Sunday, August 05, 2007

لوية تخرج

هاي اول شي اتمنى الخط اوكي ومافي بدليات واذا في طوفولي طبعا الحين وضحت الصورة لي اكثر بالنسبة اني اكمل ولا لأ ولقيت
اني اشتغل سنتين وبعدين اكمل وايد احسن طبعا بعد استشارة البابيتا
وحطيت في بالي 3 اماكن اي صج خلصت الدوام الصيفي وصج ولهانة عليهم وايد اي وفي خبر وااااااااااااااايد حلو صديقة عمري بشبوش
طبعا انا ميته من الوناسة وكل اسبوع قامت تيمعنا عشتو يعني صارت ثقيلة ما تعبر
تطلع لووووول
وصج الواحد لما يتزوج ما يفضى مثل قبل بس والله هالبنت اكثر من اخت الله يخليها
حقي وحق اهلها عشان ما اطلع نحيسة لوول في وحده راح
تسافر 25 الشهر وراح اوله عليها وايد
بصراحة اهيه بتروح وقلبي معاها
بس عسى تظبطنا بالصوغة
:)
ودي اقولها اشياء وايد بس ما اقدر
اتم مثل ما انا عليه وايد احسن
المهم انا قررت انه كل بوست يكون فيه صورة
الاسبوع يعني
بنهاية كل بوست راح تلقون صورة تعلقون عليها وهالصور بصراحة
اناخذت بثقة مو طبيعية المهم انا بنطر التعليق
اوكي وقبل لا احط الصورة بعطيكم مقدمة بصراحة انا سمعت عن سوبرمان
وسبايدرمان وكاتوومان بس super fatty girl
اول مرة وبالصورة بعد super fatty girl

Tuesday, July 17, 2007

mind prattle

hi all elyom ana mwa9la o
7ady mestansa l2na est8ret 5la9 mfe tfker zayed or eny a7tar methel elfatra elly 6afat awl shy ra7 akmel drasty in GUSTBounce
7da mestanes bs ana eshwy a7aty cuz every thing new o elly mwnesny ena ma buga shy o y5le9 el summer job ana ra7 aulah 3lehom bs lazem a5eth ra7a menhom lo0ol l2ny t3bt but el sertificate tbred elglb ;) elly mjareb ra7 y3rf that feeling o atmna elsha`3la elly mwnsatny ma tet`3yar l2ny 9ej 7asa bthe8a o ra7a bnaft elwagt "lhala2 ma 3rfto aked Dove soap ;p" i`m kidding bs tra mo Dove soap shy thany top secret eeee 9ej nset fe w7da m3ay bel-dwam 9wrtha o kel youm tes2l etha 76et 9ortha wala la2 3l3mom b76 mjmo3a men el9owar o entow ma 3lekom ella tet6mshon ok ra7 ablesh

this is my dapartment

ehny lma yg3don o ya`7thon break o y6e7on 5az

mo 6be3e 6b3n `3er el2sela enty q8ya ? hatha elso2al

t3wdt 3leh =/

this is my place i`ll miss it

my new friend LHYN

she works hard ;p

eshraykom eldwam ywnes bs ymlel eshwy bs our

group eynen o mswen 89a

bel hilton cuz we r from loyac& we always said

"our future in our hand"

i think its rich post cuz i`m full of positive energy

c ur comments ;)

Friday, July 13, 2007

ana 7bet ykon 1st plog eny a3rfkom 3ly
my short name is Nany & i`m one of fatty girls but cuteya
as they said
o kent afker eny aswey plog men zman bs b3d elta5rg
ykon af`9l o hatha ely 9ar
tawny met5arga my grade 3.50 thats mean 7afla
m3a rfejate
o ym3a owanasa enshala b3d ftra g9era o 6b3y
priefly
jare2a zyada 7bten (b7dod el2dab)
atmel7 etha emd7ony ;)
3needa eshwya
lma akon mestansa age6 g6at madre men wen
lma atane7 atane7 97 and 78o8eya knows that ;)
o ana 3ndy summer job sha`3el wagty
i`m working in hilton resort by my best org . loyac
you can read more about it by this link
if u r less than 24 years old try to apply
o at least plz don`t 4get comment
i want 2 c my new friends
;) bye